Uncategorized

Seminar om vikingtid og mellomalder i Midt-Telemark

Seminaret er fredag 29. og laurdag 30 september 2023, på Evju Bygdetun, Sætrevegen 44, 3810 Gvarv.
Program

Bø Museum – arrangement hausten 2023

Torsdag 26. oktober kl 19: Tones tragedie. Husmannsjenta og balladesongaren Tone Høna. Ei livsskildring.
På 1800-talet var dei gamle mellomaldervisene – balladane – framleis i bruk i telemarksbygdene. Men denne songtradisjonen var da på hell, og han levde sterkast blant fattigfolk. Eit døme er husmannsjenta Tone Høna (1805-1877) frå Lårdal, som hadde eit stort balladekunne.
Professor emeritus Olav Solberg har nyleg gitt ut ei bok om Tone Høna, der han lar oss få eit innblikk i livet hennar – eit liv som ikkje var utan dramatikk. På museet denne kvelden vil Solberg fortelje om balladesongaren og livet ho levde.
Inngangspengar kr 100 inkl enkel servering.

Onsdag 22. november kl 19: Lakselordene i Lågendalen
I over 20 år har Morten Harangen (48) jaktet på spor etter de britiske aristokratene som fisket laks i Numedalslågen på 1800-tallet. Resultatet er boka «Lakselordene i Lågendalen» – og denne høsten legger han ut på en omfattende foredrags- og boksignerings-turné i Norge og England, og besøker nå Bø Museum.
Inngangspengar kr 100 inkl enkel servering.

Laurdag 25. og sundag 26. november kl 12-17: Julemesse på Bø Museum

Jødehatet i Bø – foredrag på Bø Museum torsdag 7. september kl 19.00

Negative forestillingar om jødar og jødedomen har lange
historiske røter i Europa. Motforestillingane har handla om religion, men
botnar også i raseideologisk og nasjonalistisk tankegods.  Antisemittismen
har tatt mange former. Jødane har blitt utsette for diskriminering,
trakassering og forfølging, og vi kjenner alle til jødeutryddingane under den
andre verdskrigen.
Også i Bø har det vore haldningar til jødar som vi ikkje er stolte av i dag. Denne
kvelden vil historikar Ingvar Skobba fortelje om jødehatet i Bø i krisetid og
krigstid, perioden 1920-1945. Etter foredraget blir det enkel servering og høve
til ein prat rundt bordet.
Inngangspengar kr 100.

 

Sommarsundag på Bø Museum

Sommarsundag på Bø Museum 23. juli; kl 15.00 kan du høyre Halvor Kleppen snakke om «Bø for 100 år sidan». 
Kafeen / museumsbutikken er open; denne sundagen er det sal av kjøttsuppe i tillegg til kaffi, vaflar, kake, is, brus. 
Sommarsundag på museet 30. juli; kl 15.00 fortel Finn Rønning om Åsestugo.
Bø Museum held ope til og med 30. juli, tysdag til sundag, kl 12.00 til kl 17.00. 
Alle hus på museumsområdet er opne om sundagane, og utandørs er det fint leikeområde for ungar.

Sommar på Bø Museum

Bø Museum har ope frå sundag 2. juli til og med sundag 30. juli kl 12-17. Museet er stengt måndagar.
Årets sommarutstilling: «Med kunnskap skulle bygda byggast.» Skulesoga i Bøherad. Utstillinga markerer både 100-årsjubileum for den vidaregåande skulen og 200-årsjubileum for Grauteknapp-skulen.
Hausten 1971 starta dei første studentane på Distriktshøgskulen i Bø, og det er ikkje utan grunn at Bø blir kalla ei skulebygd.
Leikeområde, museumsbutikk og kafe.
Sommarsundag på museet:
2. juli kl 13: Opningsprogram med bl a Margit Ims, Halvor Kleppen, felespel ved Lars-Ingar Meyer Fjeld som nyleg har fått andreplass i hardingfele klasse A på Landskappleiken.
9. juli kl 15: Kari Lønnestad spelar langeleik i Åsestugo.
16. juli kl 15: Einar Fagerås fortel om Åheim landhandel.
23. juli kl 15: Halvor Kleppen «Bø for 100 år sidan».
30. juli kl 15: Finn Rønning fortel om Åsestugo.
Åsestugo er open kvar sundag i juli.
Velkomen til Bø Museum og utstilling!

Kulturtur på Roheimheia tysdag 23. mai 2023

Bø Museum i samarbeid Bø Turlag har kulturtur til Roheimheia tysdag 23. mai. Det er stader med mykje kulturhistorie rundt Svalbjørtjønna, både gardar, plassar og tufter. Kjentmann Gunleiv Brukås saman med lokalkjende folk vil fortelje frå området.
Roheimheia var grenseland i tidlegare tider. Det høyrde til Sauherad, men delar av Vatnarheia høyrde til Heddal. Frå Roheimheia reiste dei til Nes for å kome til kyrkje.
Samkøyring. Avreise frå Bø Torg kl 18.00. Ta med mat/kaffi.

Bilda viser Roheimgardane med Reshjemnipa og Gausta i bakgrunnen, bilda er tatt frå omtrent same vinkel. Fargebildet er tatt i juni 2009, ikkje kjent når det andre bildet er tatt.

Pilegrimsvandring måndag 29. mai 2023 – 2. pinsedag
FOTEFAR FRÅ FORTID TIL FRAMTID
Vandring i eit spennande og allsidig kulturlandskap frå Nes kyrkje til Bø gamle kyrkje.
Sal av mat og drikke fleire stader – opningstider:
Kl. 10.30 – 15.00 Evju Bygdetun
Kl. 11.00 – 15.00 Hørte Dampfarveri
Kl. 12.00 – 16.00 Bø museum
Kl. 13.00 – 17.00 Bø prestegard. Her kan ein også kjøpe pilegrimsmerke.
Frå om lag kl 13 og utover blir det felespel på Bø Museum, nokre medlemmer i Spelemannslaget Bøheringen kjem på besøk.

Meir informasjon – sjå her!

————————-

Museumsnettverket SOGA inviterer til kurs i museumsforvaltning på Bø Museum i Bø laurdag 13. mai 2023. Kurset startar kl 11.00.
Kurset er ope for alle interesserte.
Samlingsansvarleg ved Vest-Telemark Museum Lene Kleivi held kurset.
Kurset har fått støtte frå Vestfold og Telemark fylkeskommune.
Program/kursinnhald

Bø Museum hadde årsmøte torsdag 16. mars og 20 personar møtte fram. Kristin Kleppen blei valt til ny styreleiar. Dei andre i styret er: Jørn Berget, Kari Lønnestad, Kari Rast Monge, Olav Finstad og Evy Beate Stykket som er representant for Midt-Telemark kommune.
Etter at årsmøtesakene var unnagjort, fortalde Gunnar Brekke Amundsen litt om skulehistoria i Bø.

Årsmøtet blir halde torsdag 16. mars 2023 kl 19.00, på Polen.
Gunnar Brekke Amundsen vil fortelje om skulejubileet 2023; Bø vgs er 100 år i år.
Enkel servering. Velkomen på årsmøtet.
Årsmøtepapir.