Framsidebildet på Bø-kalenderen 2023 er frå Hegnastykket som ligg i søndre delen av Askildtområdet. Bildet er tatt ca 1902. Elles inneheld kalenderen bl.a. fleire bilde og artiklar om skulehistoria i Bø. Bø-kalenderen er til sals hos Akademika i Bø-gata og Norli bokhandel på Bø-senteret. Du kan også få kjøpt kalenderen gjennom nettbutikken til Bø Museum https://aaheim-landhandel.no/
Kakebø framfor Åsestugo for nokre år sidan. (Bildet er tatt av Gro Røiland i Bø blad.) Kø blir det sikkert i år også, men kakelageret er stort; mange damer har baka småkaker fleire kveldar på Bø skule i november. I tillegg til småkaker, er det sal av nybaka brød og julekake, kransekaker, kling og andre matprodukt i Åsestugo også i år.
På Pakkbua / Åheim er det julebutikk, sal av Bø-kalenderen 2023, ost frå Lega i Rauland, bøker og ulike gåveartiklar; som strikkeprodukt, trearbeid. Tore Torsdalen er på plass med bl a gamle lamper.
Polen kafe er open; sal av graut laurdag og kjøtsuppe på sundag. Kaffi, kling og julekake kan de få kjøpt begge dagar.
Utstillingsbygget er også ope, hardingfeler, folkedrakter og utstillinga «Skogsbruk og bruksskog».
Julemessa er open mellom kl 12 og 17 laurdag 27. og sundag 28. november. Velkomen skal du vere!
Kulturdag med Gårahaug gravfelt og kyrkjestad som tema
Laurdag 5. november kl.11:00-15:00 – gratis og ope for alle.
Oppmøte på Evju Bygdetun kl. 11:00
1. Vikingvegen – spor av religionsskiftet i Midt-Telemark
v/Ragnar Orten Lie frå VTfk Kulturarv
2. Metallsøkjarfunn – kva skjer når privatpersonar blir hobbyarkeologar?
Om gardshistorie, grunneigar, kulturminnevernet og dei som søkjer
v/Anja Nordvik Sætre og Ragnar Orten Lie frå VTfk Kulturarv
3. Geofysikk – arkeologen sin nyaste reidskap
v/Christer Tonning m.fl. frå VTfk Kulturarv
Lunsj – dugurdsuppe – og avreise vidare til Gårahaug og Bø Museum
Gårahaug
Orientering om rydding, kartlegging og vidare formidling v/VTfk Kulturarv
Bø Museum
Presentasjon av museumsgjenstandar frå Gårakyrkja v/Finn Rønning frå Bø Museum
Kaker og kaffi. Vel møtt!
Arrangør er Midt-Telemark Museum i samarbeid med Midt-Telemark kommune og Vestfold
og Telemark fylkeskommune
Foto: Kulturfotografen.
Onsdag 12. oktober kl 19 kjem Ingebjørg Lognvik Reinholdt til Bø Museum med konserten Åsmund Fregdegjeva – ein forteljarkonsert om heltar og skurkar i norrøn tid.
Vi startar programmet med ei innleiing ved Sigrid Aksnes Stykket.
Kvifor blir vi så fascinert av helteforteljingane? Kva er det som gjer at så langt tilbake vi veit, har vi elska historiar om dei som tør å gå inn i det ukjende, som blandar mot og kløkt og
Forteljinga er sunge på vekslande melodier henta frå den herlige tradisjonsmusikken vår.
Kaffi og kaker, inngang kr 100.
Konserten har økonomisk støtte frå Folkeakademiet. Andre støttespelarar til konsertprosjektet er FFUK, Creos Vederlagsfond, Norsk Kulturfond.
Laurdag 1. oktober kl. 12.00-15.00: Open haustdag på museet
Bø Museum inviterer til open dag med kafe, natursti og uteaktivitetar for store og små. Utstillinga «Skogsbruk og bruksskog» er open. Museumsbutikk med bøker mm.
Halvor Ulvenes gir i haust ut bok nummer 5 i serien «Det hende i Telemark». Dette er siste bok i denne serien. Du kan møte Halvor på museet mellom kl 14 og 15, sal og signering av bøker.
Onsdag 12. oktober kl 19: Åsmund Fregdegjeva – Folkemusikalsk forteljarkonsert
Ein folkemusikalsk forteljarkonsert med Ingebjørg Lognvik Reinholdt, bygd over balladen om Åsmund Fregdegjeva. Ingebjørg blandar forteljarkunst og kvedarkunst i denne soloforestillinga, der ho tek deg med inn i ei anna tid, med helten som seglar over havet for å redde jomfrua og kjempe mot gygrer og all slags magiske skapningar.
Vi startar programmet med ei innleiing ved Sigrid Aksnes Stykket. Kaffi og kaker, inngang kr 100.
Laurdag 26.- søndag 27. november: Julemesse på Bø Museum
Den årlege kulturturen går til Langerud og Bråten i Årmotdalen. Gunleiv Brukås og Finn Rønning fortel om Langerud-plassane og Bråten-gardane som er tidlegare husmannsplassar. Kaffirast undervegs. Lett tur.
Avreise frå Bø Torg kl.18.00.
Kontaktperson Bergit Li, tlf 47618312.
Turen er eit samarbeid mellom Bø Turlag og Bø Museum.
Mange skuleelevar kjem til museet i starten av skuleåret. 6. klassetrinn ved Bø skule og Folkestad skule skal vere med å bake brød i den gamle steinomnen på museet. Etter at baksten er ferdig, får dei med seg kvart sitt nybaka brød heim, det plar vere populært.
Dei fire femteklassene i gamle Bø kommune har gjennom Den kulturelle skulesekken fått tilbod om ein dag med «Lokalhistorie». Klassa blir dela i to grupper, spikking og rollespel i Åheim Landhandel. Etter føremiddagsmat bytter gruppene tema.
I august og september er det ti dagar med skulebesøk på Bø Museum. Mange frivillige hjelper til med laging av brøddeig, grautkoking og andre oppgåver.
Skogen har vore til glede og nytte for alle i Bø og omegn til alle tider. Årets sommarutstilling på Bø Museum viser ulike sider ved livet i og med skogen opp gjennom tida. Skogen har sjølvsagt vore leveveg og arbeidsstad for dei som hogde og selde tømmer, men i tillegg har skogen gjeve bær og kjøtt til mat; tremateriale til bygg og reiskapar; og område som blei bruka til rekreasjon.
Kom innom på utstillinga i sommar og les meir om tømmerdrift og tømmerfløting, skogsarbeidaren, jakt, matauk og mykje meir.
Bø Museum er ope frå 2. til 31. juli, tysdag til sundag kl 12-17.
Leikeområde, museumsbutikk og kafe. Velkomen til Bø Museum!
Husmannsplassen Hanskås
Rundtur til husmannsplasser under Kise og Solverud og til plasser under Askildt langs Hørteelva. Finn Rønning og Bjørn Tveiten fortel om dei ulike plassane. Kafferast ved Kleiva. Lett tur. Avreise frå Bø Torg kl. 18.00. Bø Museum i samarbeid med Bø Turlag.