Jødehatet i Bø – foredrag på Bø Museum torsdag 7. september kl 19.00

Negative forestillingar om jødar og jødedomen har lange
historiske røter i Europa. Motforestillingane har handla om religion, men
botnar også i raseideologisk og nasjonalistisk tankegods.  Antisemittismen
har tatt mange former. Jødane har blitt utsette for diskriminering,
trakassering og forfølging, og vi kjenner alle til jødeutryddingane under den
andre verdskrigen.
Også i Bø har det vore haldningar til jødar som vi ikkje er stolte av i dag. Denne
kvelden vil historikar Ingvar Skobba fortelje om jødehatet i Bø i krisetid og
krigstid, perioden 1920-1945. Etter foredraget blir det enkel servering og høve
til ein prat rundt bordet.
Inngangspengar kr 100.

 

Automatisk kladd

Sommarsundag på Bø Museum

Ytterbø i Bø-gata, bilde tatt ca 1910

Sommarsundag på Bø Museum 23. juli; kl 15.00 kan du høyre Halvor Kleppen snakke om «Bø for 100 år sidan». 
Kafeen / museumsbutikken er open; denne sundagen er det sal av kjøttsuppe i tillegg til kaffi, vaflar, kake, is, brus. 
Sommarsundag på museet 30. juli; kl 15.00 fortel Finn Rønning om Åsestugo.
Bø Museum held ope til og med 30. juli, tysdag til sundag, kl 12.00 til kl 17.00. 
Alle hus på museumsområdet er opne om sundagane, og utandørs er det fint leikeområde for ungar.

Sommar på Bø Museum

Bø Museum har ope frå sundag 2. juli til og med sundag 30. juli kl 12-17. Museet er stengt måndagar.
Årets sommarutstilling: «Med kunnskap skulle bygda byggast.» Skulesoga i Bøherad. Utstillinga markerer både 100-årsjubileum for den vidaregåande skulen og 200-årsjubileum for Grauteknapp-skulen.
Hausten 1971 starta dei første studentane på Distriktshøgskulen i Bø, og det er ikkje utan grunn at Bø blir kalla ei skulebygd.
Leikeområde, museumsbutikk og kafe.
Sommarsundag på museet:
2. juli kl 13: Opningsprogram med bl a Margit Ims, Halvor Kleppen, felespel ved Lars-Ingar Meyer Fjeld som nyleg har fått andreplass i hardingfele klasse A på Landskappleiken.
9. juli kl 15: Kari Lønnestad spelar langeleik i Åsestugo.
16. juli kl 15: Einar Fagerås fortel om Åheim landhandel.
23. juli kl 15: Halvor Kleppen «Bø for 100 år sidan».
30. juli kl 15: Finn Rønning fortel om Åsestugo.
Åsestugo er open kvar sundag i juli.
Velkomen til Bø Museum og utstilling!


Kulturtur på Roheimheia tysdag 23. mai 2023

Bø Museum i samarbeid Bø Turlag har kulturtur til Roheimheia tysdag 23. mai. Det er stader med mykje kulturhistorie rundt Svalbjørtjønna, både gardar, plassar og tufter. Kjentmann Gunleiv Brukås saman med lokalkjende folk vil fortelje frå området.
Roheimheia var grenseland i tidlegare tider. Det høyrde til Sauherad, men delar av Vatnarheia høyrde til Heddal. Frå Roheimheia reiste dei til Nes for å kome til kyrkje.
Samkøyring. Avreise frå Bø Torg kl 18.00. Ta med mat/kaffi.

Bilda viser Roheimgardane med Reshjemnipa og Gausta i bakgrunnen, bilda er tatt frå omtrent same vinkel. Fargebildet er tatt i juni 2009ikkje kjent når det andre bildet er tatt.

Pilegrimsvandring i Midt-Telemark måndag 29. mai 2023 – 2. pinsedag

Pilegrimsvandring måndag 29. mai 2023 – 2. pinsedag
FOTEFAR FRÅ FORTID TIL FRAMTID
Vandring i eit spennande og allsidig kulturlandskap frå Nes kyrkje til Bø gamle kyrkje.
Sal av mat og drikke fleire stader – opningstider:
Kl. 10.30 – 15.00 Evju Bygdetun
Kl. 11.00 – 15.00 Hørte Dampfarveri
Kl. 12.00 – 16.00 Bø museum
Kl. 13.00 – 17.00 Bø prestegard. Her kan ein også kjøpe pilegrimsmerke.
Frå om lag kl 13 og utover blir det felespel på Bø Museum, nokre medlemmer i Spelemannslaget Bøheringen kjem på besøk.

Meir informasjon – sjå her!

Kurs i museumsforvaltning 13. mai 2023

————————-

Museumsnettverket SOGA inviterer til kurs i museumsforvaltning på Bø Museum i Bø laurdag 13. mai 2023. Kurset startar kl 11.00.
Kurset er ope for alle interesserte.
Samlingsansvarleg ved Vest-Telemark Museum Lene Kleivi held kurset.
Kurset har fått støtte frå Vestfold og Telemark fylkeskommune.
Program/kursinnhald

Årsmøte Bø Museum, Kristin Kleppen ny leiar

Bø Museum hadde årsmøte torsdag 16. mars og 20 personar møtte fram. Kristin Kleppen blei valt til ny styreleiar. Dei andre i styret er: Jørn Berget, Kari Lønnestad, Kari Rast Monge, Olav Finstad og Evy Beate Stykket som er representant for Midt-Telemark kommune.
Etter at årsmøtesakene var unnagjort, fortalde Gunnar Brekke Amundsen litt om skulehistoria i Bø.

Bø Museum – årsmøte

Årsmøtet blir halde torsdag 16. mars 2023 kl 19.00, på Polen.
Gunnar Brekke Amundsen vil fortelje om skulejubileet 2023; Bø vgs er 100 år i år.
Enkel servering. Velkomen på årsmøtet.
Årsmøtepapir.

Julegilde fredag 13. januar 2023 kl 18.00 – arrangementet må diverre avlysast pga for få påmelde.

Etter ei lang koronapause kan Bø Museum igjen ønske velkomen til julegilde, denne gongen på tjugendagen –  fredag 13. januar kl. 18.00. Me samlast først i stemningsfulle Åsestugo til skjenk, før me vandrar over til Polen til bordsete og servering av trerettars festmåltid. Det er våre lokale meisterkokkar Bjørg Momrak og Inger Åse Sønstebø som står for maten. 
Undervegs vil det bli enkelte programinnslag, men hovudsaka denne kvelden er samveret og den gode maten.
Kjøkemeister er Torgeir Straand.
Pris kr. 500,- inkl alkoholfri drikke. Det er avgrensa tal på plassar, og me må ha bindande påmelding på epost til post@bomuseum.no eller tlf 90136992, Kari Lønnestad. Påmelding innan 4. januar 2023.

Bø-kalenderen 2023

Framsidebildet på Bø-kalenderen 2023 er frå Hegnastykket som ligg i søndre delen av Askildtområdet. Bildet er tatt ca 1902. Elles inneheld kalenderen bl.a. fleire bilde og artiklar om skulehistoria i Bø. Bø-kalenderen er til sals hos Akademika i Bø-gata og Norli bokhandel på Bø-senteret. Du kan også få kjøpt kalenderen gjennom nettbutikken til Bø Museum https://aaheim-landhandel.no/